Şirkətimiz müxtəlif təyinatlı texnika, metalkonstruksiya və mühəndis sistemləri üzrə təmir, texniki servis və istismar dəstəyi xidmətləri göstərir. Fəaliyyətimiz mövcud avadanlıqların təhlükəsiz, fasiləsiz və uzunömürlü istismarını təmin etməyə yönəlib.
Sənaye və tikinti texnikalarının təmiri xidmətlərimiz çərçivəsində mexaniki nasazlıqların aradan qaldırılması, metal hissələrin bərpası, qaynaq və möhkəmləndirmə işləri həyata keçirilir. Texnikaların istismar zamanı aşınmış və zədələnmiş hissələri yerində diaqnostika edilərək operativ şəkildə təmir olunur.
Şirkətimiz dəmiryolu infrastrukturu üzrə istifadə edilən texniki avadanlıqların, metal elementlərin və daşıyıcı konstruksiyaların təmirini və servis xidmətini də icra edir. Bu xidmətlər istismar təhlükəsizliyinin qorunması və infrastrukturun dayanıqlılığının artırılmasına xidmət edir.
Rabitə qüllələri və telekommunikasiya avadanlıqları üçün texniki baxış, mexaniki birləşmələrin möhkəmləndirilməsi, korroziyaya qarşı tədbirlər və nasaz hissələrin təmiri həyata keçirilir. Bütün işlər müvafiq təhlükəsizlik normalarına uyğun şəkildə aparılır.
Şirkətimiz həmçinin gəmi avadanlıqlarının və dəniz texnikasının təmiri sahəsində də xidmət göstərir. Gəmi üzərində və sahil zonalarında istifadə olunan metal konstruksiyaların, mexaniki hissələrin, daşıyıcı sistemlərin və texniki avadanlıqların bərpası, gücləndirilməsi və texniki xidmətləri peşəkar heyət tərəfindən icra olunur. Dəniz mühitinin təsirinə qarşı davamlılıq təmin olunmaqla təmir işləri aparılır.
Aqroparklar, sənaye zonaları və yol infrastrukturu üzrə quraşdırılmış metal dirəklər, istiqamətverici lövhələr və texniki qurğuların təmiri, yenilənməsi və dəyişdirilməsi də xidmət portfelimizə daxildir.
Təmir–servis xidmətlərimizə daxildir:
sənaye, tikinti və xüsusi texnikaların təmiri
gəmi və dəniz avadanlıqlarının texniki servisi
metalkonstruksiyaların diaqnostikası və bərpası
qaynaq, möhkəmləndirmə və metal emalı işləri
korroziyaya qarşı qoruyucu tədbirlər
avadanlıqların yenilənməsi və modernizasiyası
planlı texniki xidmət və təcili təmir müdaxilələri
Hər bir servis işi peşəkarlıq, operativlik və yüksək keyfiyyət prinsipləri əsasında həyata keçirilir. Məqsədimiz texnika və avadanlıqların istismar müddətini uzatmaq, təhlükəsizliyini artırmaq və müştərilərimizə etibarlı texniki dəstək təqdim etməkdir.